أمير عبدالماجد يكتب: متوالية الزيادات.. ويقول ليك حكومة الأمل!!!

متوالية الزيادات.. ويقول ليك حكومة الأمل!!!

أمير عبدالماجد

* اي زيادة في الأسعار طالما طالت المواطنين وكدرت حياتهم وجعلت حياتهم جحيم مافي زول في الجهاز التنفيذي بكون ضدها..
* زادوا الكهرباء والبنزين والجازولين لو ما اتدخل البرهان والغاها كان مشوها فينا..
* فجأة الرغيفة التعبانة من تمانية بي الف جنيه وقت الحرب إلى ستة بي الف جنيه بعد تحرير الخرطوم ثم إلى خمسة بي الف جنيه مع بدء عودة المواطنين
* الان وصلنا الى اربعة رغيفات بالف جنيه في الطريق الى بيع الرغيفة الواحدة بي الف جنيه قريبا ..
* لا حكومة بتتكلم ولا زول يقول عيب ياجماعة.. الناس منهكة..
* مايحدث هو المعنى الحرفي لقتل المواطنين..
* لا كهرباء لا خدمات.. كهرباء اليوم كله قاطعة وموية قاطعة..
* بعوض ما عرفنا قصته شنو اليوم كلو والسنة كلها.. اعمال معطلة او شبه معطلة.. بيوت منهوبة ومواطنين تحت سيف الجبايات.. زيادات في كل شئ.. معيشة.. مدارس.. ترحيل.. ايجارات..
* ويقول ليك حكومة الأمل..
*أمل دي منو..؟؟
الأمل الان نمشي عند العدل الجبار يجزينا خير عن صبرنا على ما ابتلينا به..